Omenuts 4 – Il mont des ruedis

Si clamin Lole, Miute, Pieri, Bete e Tonin. A son cinc frutins che, cu la lôr abilitât e voie di discuvierte, a frontin ogni dì aventuris gnovis, intun mont fat su misure pai plui piçui. Cognossûts in dut il mont cul non di “Little people”, di proprietât de Mattel-Fischer Price, a rivin cumò in Friûl e pe prime volte ancje in Italie fevelant in marilenghe dâts fûr de bande de Societât Filologjiche. La edizion furlane e je curade dal regjist Massimo Garlatti Costa cu la sô cjase di produzion Raja Films in colaborazion cun Arte Video di Palme. Ogni dvd al è fat di cinc episodis di cinc minûts ognidun. Lis vôs a son di: Massimo Somaglino, Claudia Grimaz, Nicoletta Oscuro, Monica Mosolo e Francesco Ursella. La sigle e je cjantade dal cjantautôr cjargnel Lino Straulino. La traduzion e l’adatament dai dialics origjinâi inglês in lenghe furlane a son di Stefania Garlatti-Costa.